الرئيسية
بديل إلها الكمر
لو شمسي ساعة تغيب
بس إنت إن غبت
يا هو بديلك؟!
يبو طول الحلو
بوصفك تعبت الناس
من شيل الحسن
ما تعب حيلك؟!
بقالب هالبشر
الله حط عيون
وإنت بقالبك
بدرين منطيلك
إذا دمعك نزل
بسرعة شك الليل
من ثوبه جزء
سواه منديلك
وإذا يطفى الضوة
ويصعب عليك الشوف
الكمر ينزل إلك
ويصير قنديلك
ولو تمشي أحسّك
إنت واكف بس
هي الكاع من جواك تمشيلك
وإذا مرة احزنت
من يمة يبجي الليل
ومثل جري الدموع
نجومة تجريلك
إنت مو حلو
هواي اكو حلوين
جميل إنت
وابد ماكو مثيلك
يبخت أمك حبيبي
وبخت اهلك بيك
وبخت كلمن كعد
لحظة مقابيلك
الفرات ودجلة صارو
بس إلك يجرون
وأسد بابل تحرك كام يغنيلك
وهناك بمصر
اختفى نهر النيل
وبلحدود أنلزم رايد يجيلك
ــــــــــــــــــــــــــــــــــــــــ
منقووووووووووووول
